自從報導出街之後，
哩幾日我同Connie都收咗好多朋友嘅支持同鼓勵，
想喺到多謝大家！
有正評當然都會有負評嘅，
大概係話「無乜特色或者風格喎」「日系？邊到日系呀？睇過～」。
其實我覺得講得無錯，
我都問過自己有無話想行咩風格呢，
不過最後答案係至少到現時為止我都唔想限制自己專影一種風格，
都係嗰句啦，
我覺得有感覺就會影。
所以我都想澄清返報導入面話我啲相係「日系劇照」風格，
其實我啲相真係唔日系喇，
如果覺得有誤導嘅話，
真係sorry。
講到尾，
攝影都係一個好主觀嘅創意藝術嚟嘅，
所以一定唔會適合每個人嘅口味，
如果會欣賞我嘅，
我會衷心多謝你，
如果唔太欣賞或者覺得我有咩做得唔夠好嘅，
歡迎話比我知，
大家理性討論下，
話唔定會有個新嘅領悟。
最後再次感謝 蘋果日報 果籽 邀請，
做咗個咁開心嘅訪問！
Search